m k harikumar pages

ഒരു വര കണ്ടു.

അതിലേ പോയി.

ചെന്നപ്പോള്‍ അത്‌ വരയല്ല, വിരയാണ്‌.

ഞെട്ടി തിരിച്ചു പോന്നു.

രണ്ടു കണ്ണുകള്‍ കണ്ടു.

നേരെ വച്ചു പിടിച്ചു.

കണ്ടതോ ? രണ്ട്‌ പുലിക്കണ്ണുകള്‍

എന്ത്‌ വേണമെന്ന് അറിയാതെ നിന്നത്‌ മാത്രം

ഓര്‍മ്മയുണ്ട്‌.

ഒരു ഉടല്‍ കണ്ടു.

താമസിച്ചില്ല, മോഹം തുടങ്ങി.

എന്നാലോ,

ഉടലില്‍ കയറി ചെയ്തതെല്ലാം

വെറുതെ,

ഉടല്‍ എന്നെ തിരിച്ചറിയുന്നുപോലുമില്ല.

ഒരു കിളി വന്ന് പാടുകയാണ്‌.
ഒന്നുമറിയാത്ത ഈ ലോകത്തെക്കുറിച്ച്‌.
ഓരോ മനുഷ്യനും ഓരോ ഭൂഗോളം
സ്വന്തമാക്കാന്‍ ഓടുമ്പോള്‍
ഈ കിളിപ്പാട്ട്‌ ഒരു ചിരിയാണ്‌.

ഓരോ നിമിഷവും നമ്മെ വിശ്വസിപ്പിക്കുന്നത്
ജീവിതം മറ്റെവിടെയോ
ആണെന്നും നമ്മള്‍ കാഴ്ചക്കാരാണെന്നും ആണ്‌.

എല്ലാം പഴയ നിഴലുകള്‍ മാത്രം.

ഒരു മു‌ന്നാര്‍ ദൃശ്യം

മടുപ്പ് കയ്പ്പേറിയ

ഒരു കഷായമാണ്‌.

അതുകൊണ്ടാണ്‌ വെളുപ്പ്‌ ,

മടുപ്പില്‍ ശപിച്ച്‌,

എല്ലാം ഉപേക്ഷിച്ച്‌ സ്വയം കറുപ്പിക്കുന്നത്‌.

ഒരു മൂന്നാര്‍ ദൃശ്യം

ഇല്ലാത്ത ആകാശത്തില്‍

ഒരു നക്ഷത്രത്തെ തിരയുന്നത്‌

ജീവിതം പോലെ തന്നെ വിരസമാണ്‌